السادسة
- الصفحة الرئيسية
- الاشعار
- الوطنيات
- السادسة
الذكرى السادسة لها مشاعر نستشفها من ملامح الشعب في كل شبر من أراضي وطننا المقدس، حقا أنها مرت مرور السحاب وهي محملة بالعدل والتطور والأمن والرخاء الذي عم البلاد والوطن العربي وما الشعر إلا وثيقة عصــر يعيشه كل شاعر وقلت:
الحمد لله ما لحق شعبنا جور
مستامنن في ظل حكم وحكومه
في كل يوم أنزود نورٍ على نور
وعند الدول تكثر وتكبر علومه
ما فيه أحد بالحكم ما هوب مسـرور
ملامح الشعب السعودي سلومه
أبو فهد بالحق والعدل منصور
حرٍ تهاب طيور الآفاق حومه
العام الأول بالفكر حصن السور
ووقظ به اللي طال سقمه ونومه
والثاني اللي صار نورٍ ببنور
فيه أكثر أحداث الزمان محسومه
والثالث أصبح به معاديه مقهور
والرابع أفرح كل شعبه قدومه
تطورٍ في كل الأحوال منظور
بانت على شبه الجزيرة رسومه
والخامسة كلٍ تعلم على الفور
سـر النظام اللي رفع روس قومه
والسادسة كلٍ من اللوم معذور
ما فيه شيءٍ يستحق الخصومه
أمن ورخا يرتع بها كل ممرور
نص الدول مما نعيش محرومه
وعدونا في كل الأحوال مثبور
تزود مع زود الليالي همومه
تدرون منهو بالعرب منتهي الشور
واللي بعد بالرأي يرفا ثلومه
أبو فهد سلمان والعلم مخبور
أمقويٍ رب الخلايق عزومه