حاكم الرياض
- الصفحة الرئيسية
- الاشعار
- الوطنيات
- حاكم الرياض
"حاكم الرياض" وسام قلده خادم الحرمين الشـريفين أميرها سلمان بن عبد العزيز الذي يتجدد للوطن والمواطن وفاء يقابله ولاء من المواطن والوطن، سلمان المسئول والانسان والمواطن هذه الوجوه الاجتماعية ما هي إلا صفات لها خاصية بمنهج سلمان المنهج المستمد من الشـريعة المحمدية السمحة العادلة.. ومواقف سموه المتعددة تجاه رجال العلم والأدب والصحافة لها شجون شاعرية أثارها موقف سموه مع الزميل الأستاذ عبد الرحمن بن سعد السماري، وقلت:
ما هوب موقف سيدي بس مره
يا كثر ما ياقف مع الناس سلمان
يا كثر خيراته ويا كود شـره
ما قد خبر بالطيب مثله ولا كان
حاكم ثريا نجد لله دره
وجه الثرى خلاه لولو ومرجان
كلٍ يطوله من حلاله مبره
كن العرب عنده لهم ورث جدان
برايرٍ حلوه وللمر مره
ما يظهر اللي يدخل القصــر زعلان
بالطياب مال أمزاعمه وزن ذره
شيءٍ أشوفه مثل غيري بالأعيان
مجدٍ "جدا " جود عنانه وجره
ومجدٍ يعصبه من بني عم واخوان
بينه وبين الطيب رحمٍ وسـره
هو والشهامة طول الأيام خلان
نداه وسمٍ كل روضٍ يمره
ينبت زهور كلها أشكال وألوان
يدخل على كل النفوس المسـره
هاك الحجاج اللي للأمجاد عنوان
دوك السماري عقب شوف المضـره
سلمان ما خلاه يغبن وينهان
على الوطن وأهل الوطن فيه حره
نوخ ركابك يا بن عيسـى سليمان
ورداك في ردنلك عن الناس صــره
قدام أحطك هرجة فلان وفلان