رديّة المقحم وبن جعيثن
- الصفحة الرئيسية
- الاشعار
- المساجلات والردود
- رديّة المقحم وبن جعيثن
رديّة بين إبراهيم المقحم، وراشد بن جعيثن يوم الأحد 17/4/1422هـ في مخيم راشد جنوب حي الفواز في مدينة الرياض:
راشد:
المسافر تراه اليوم قصاص جره
والحرامي دخل قبل أمس منا ومنا
أقضب العلم في غترة مبارك وصــره
كانها يا بن مقحم جت على ما تمني
إبراهيم:
من يحاسب نبي نوفيه مثقال ذره
يا عميل تحكر الكيف هيلٍ وبنا
من يطالع نجوم فوق راس المجره
مخطر إن العرب تعطيه رمح المطنا
راشد:
ويش أسوي بمالٍ ما تبيه المبره
والحدود أقفلوها يا زبون المجنا
شوف ميقات نجد المجد من نجد مره
جعلك الله بحجك يالسنافي تهنا
إبراهيم:
من شبع واغتني بالنفس لله دره
يا رجال المعرفه ردّوا العلم عنا
الحرامي يكافي خيره اليوم شـره
مثل ما قيل لو هو غازيٍ مع مهنا
راشد:
لا تسـر الفرنسـي بس حذرا تضـره
كل ما شانت أوضاع المعادين زنا
أكثر الناس في قلبه من الهم حره
أنت تضحك وغيرك في مطاحه يونا
إبراهيم:
لا توصي حريصٍ ما تجيه المغره
يسلك الدرب لو الداب فيها تثنى
الله اللي قسم رزق البشـر والمسـرة
علم ثابت ما هو هجسٍ وشكٍ وظنا