قلت ل د. إبراهيم المقحم:
منك اقطعتنا جامعة مشعل الدين
محمد وحنا ما صلحنا بلياك
*****
رد على مبارك السبيعي:
ما دام هذي مع الرايد بداياته
يا مبارك اليوم نفسك لا تتعبها
الله ما صعب في الدوري نهاياته
ممدوح يا كاسب الطولات حاسبها
*****
إلى عبد العزيز المتعب الشاعر والصحفي بالجزيره:
أشوفك الطيب والتاريخ وأمجاده
وأسرار عزٍ مدى الأيام يطربنا
*****
بعد مولود عبد الله شايق:
فرحت فرحة مشفقٍ ما لها حد
من يوم شفت الصوره إللي لشايق
إلى بندر بن علي الوحيمر:
اسمه علي ما فيه شكٍ ولا ريب
الله يقود به الرجا والنصيبي
يا ليت ربٍ يعلم السـر والغيب
أمهل لهذلا شوف علي الحبيبي
*****
إلى شاعره:
راع الهوى شفه بعد راس ماله
ويتجر بشوف اللي يبي بس هيهات
*****
يا بو محمد نور بيتك ودنياك
عساه من عبثات الأقدار طيب
بشـرني الله يا بيض الوجه يرعاك
ترى فرج رب الخلايق قريب
*****
من تهمتي بالحب ما بي براتي
ولو الغلا لك موت ما بي السلامه
كنك موصي في عذابي وصاتي
من اليوم إلى والله يوم القيامه
وشلون لو انك تحقق مناتي
والقلب يبلغ بك مناه ومرامه
*****
الله على من مبسمك فكة الريق
ولو عقبها موتي فبا قول هانت
*****
أكثر من الواقع طموحي ولكن
الله لا يطول علينا بشده
وقت رهنا في رضاه المساكن
الى انفتح بابٍ كبير يرده
*****
إلى د. إبراهيم بن هويمل:
يزول الباس عن قلبٍ نبض بالطيب يا براهيم
عسـى ربي يردك للوطن سالم ومتعافي
على غيرك ترى رب الخلايق قدمك تقديم
خلقك الله على ما قالوا أهل المعرفه وافي
*****
يمكن تجاهلني شره فرد مره
ولا تجاهلني على طول الأيام
ولولاك غالي ما وقفت أتشـره
وأقرأ عليك الهم عامٍ ورا عام
انكفت ما حصلت مثقال ذره
من الأماني يوم تحقيق الأحلام
*****
انا بركت وجايرات حمولي
وعوايدك لا ثقل حملي تشله
يا كثر ناس بالحكي صفقولي
ورفضت عز من مواريد ذله
*****
حسبي الله على الحاجه وفقد الخوي
كل ما قلت زان الوضع عود يشين
*****
إلى عبد الرزاق المعجل، أبو حمود:
يا بو حمود الشهر كمل وأنا منك
أبي الخبر يا كاسب العز والطيب
*****
أن هزك الشوق مثلي زانت أوضاعي
من شان ما نحترق نخلق لنا فرصه
واعذارك اللي تكرر ما لها داعي
ان كان قلبك لشوفي زايد حرصه
*****
الى عبد العزيز المتعب:
لو ان شكرك موت يا كاسب الطيب
لا قول شكرا لو ثمنها حياتي
*****
الرجل لا من قال باجي ولا جاك
لا تقتنع من ملس الأعذار مره
*****
إلى اللواء سعود الهلال:
رفعت روسٍ تفتخر بك وترعاك
وكشفت بالتخطيط سر العصابات
يا سعود لأمن المملكة مد يمناك
ترى هقاوينا براسك بعيدات
*****
يا هناي ورغبتي طول الأيام
قلبي تولع فيك من قبل اشوفك
*****
أنتبه لا تفسـر كل صمتي جفا
الغلا ما يفك رموزه إلا السكوت
شفت ملامح عيوني كلها لك وفا
يمرض الشوق لكن ما يهون ويموت
*****
الذل عقب العز بالعين شفناه
شوف العيون بعين حسني مبارك
شعبه تغدا به وجيشه تعشاه
ومعهم وزيرٍ قربه منه شارك
*****
أبا العمايل من فعولٍ جسامي
ما هي على ظن المسولف جدايل
هذا لقب عند الرجال الحشامي
قبلك تلقب به شغاميم وايل
وقدرك رفيعٍ يا رفيع المقامي
عندي وعند اللي يعشق الجلايل
*****
غلاك ما هو ذكريات وسواليف
غلاك شيء بداخل القلب ثابت
*****
إلى راشد:
يا بن جعيثن جعل ربي يعافيك
حطيت دارك للمساكين مدهال
ربي من الأمراض والهم يحميك
ياللي لربعك ترخص الوقت والمال
***
يا بن جعيثن ما نسيناك لو كنت
تنسـى محبينك ومن يعشقونك
*****
إلى العميم موسى، شركة كهرباء الرياض:
الطيب لك ما فيه شك ولا ريب
من طاب جده طاب طيبٍ بلا حد
تكفي من الرجال كثر التراحيب
ملكتني بالطيب من غير مقصد
موسى لك البيضا بروس المراقيب
دام الليالي السود والبيض تنعد
*****
انتي سحابة حبي اللي فقدته
يمطر سماك الشوق والشوق غالي
*****
المشكله من لاجـيٍ في مضاييق
ما يظهر الا كان الأيام زانت
*****
وجدي عليها وجد حسني على العرش
قفا وعينه بأزرق الدمع هلت
يلعن على شعبه من العرش للفرش
منه الشباب اللي على حق ملت
*****
شعر سليمان العويس
يا ابن جعيثين كلما جيت بنساك
ذكرتك معروفك وماتت عظامي
*****