زانت اوضاعي
- الصفحة الرئيسية
- الاشعار
- المساجلات والردود
- زانت اوضاعي
أبو خالد عبد الله بن محمد السياري في الموسم الماضي كتب لي قصيدة نشـرت على هذه الصفحة، وما كان مني إلا أن أعود لمسودة قصيدة كتبتها وترددت فيها كثيرا لتكون القصيدة المسندة للشاعر عبدالله السياري، ولذلك قلت:
أنا وش رمي بي بعد ما زانت أوضاعي
على دار حيٍ منه وسط الحشا حره
أمر المكان اللي على حد مرباعي
واشوف السوافي ضيعت مرمس الجره
على ذكر وقت فات يدعيني الداعي
وانا ناسي خير الهوى منكر شـره
أحيا الجروح اللي قديمات ووساعي
على اللي بحبه ضر قلبي ولا سـره
ذكرته طوال الليل كله وانا واعي
افك الزرار اللي على الحلق وازره
أهوجس ولا لي غير أقرطب بالاصباعي
واسند واحدر الدرب مره باثر مره
وينطر نور الصبح والقلب منصاعي
عفا الله عن نفسٍ من الحب منظره
عليه الخفوق مسيم يصفق بالأضلاعي
خفوقٍ رجا منه المبره ولا بره
أبنخى وأصيح صياح من تيهة اسناعي
ولكني الا بالمثل راعي الجره
أبنخي ندي بالوفا طايل اذراعي
بعد ما طعمت وذقت بلساني المرة
يا بو خالد أخشـى ما لهوا يطوي اشـراعي
زما بي وانا ما خذت ما يازن الذرة