سمح الفضا
- الصفحة الرئيسية
- الاشعار
- الوطنيات
- سمح الفضا
الإهداء: الى سلمان الرياض ...
سمح الفضا يا بو فهد ما وسعني
شح الوطا يا معرب الجد والخال
يا سيدي في الوجه وقتي صفعني
ولا شكيت إلا على روس ورجال
وشفت التجاهل "بالعيون" وسبعني
وأنا أحسب أني راقيٍ روس الأقذال
تركي ولد خالد وقف ما نفعني
ما حطني شيخ السدارى على البال
وإلا الخويطر مقفيٍ ما سمعني
مثل الليالي ما عطالي بالأقبال
ليته عطاني حق وإلا منعني
حتى يجي للشعر مظهر ومدخال
ومن حقي اللي واردٍ ما قطعني
وأنا عليه مبينٍ سو الأحوال