فرخ القرانيس
- الصفحة الرئيسية
- الاشعار
- المساجلات والردود
- فرخ القرانيس
يا بن جعيثن لا اشغلتك الهواجيس
حذراك تنصا واحدٍ دون داعي
اختر صديقٍ مثل فرخ القرانيس
يدوس بالاقدام روس الافاعي
اركب على جيبٍ يشق الطعاميس
وأضرب دباديب الزراج الوساعي
واليا ازرهج الجيب والبنص له ديس
خلك للفات الدركسون واعي
الله يجيرك من صدوف العواكيس
اليا قام يلعب مع طمان ورفاعي
وابعد عن وجيه اللصوص النواحيس
اللي مثل شكل الضباع المقاعي
حتى تجي لك صيهدٍ ما بعد حيس
نزل زها بك فيه وابن الشـراعي
ما جاه قبلك ما لخلايق مناويس
الا مواطي ضاريات السباعي
ودن الدلال ودن جوفا محاميس
وما تنتوصا يا طويل الذراعي
واشعم لها رمثٍ جرومه ميابيس
حتى سنا ناره يجي له شعاعي
وأحمس بها بنٍ يزيل الحواسيس
من شم ريحه جاك بالرجل ساعي
وان كان في راسك بقايا رساريس
ترى النجر صوته يزيل الصداعي
سجه بروضٍ زايفٍ ما بعد نيس
ما أحدٍ وطا له ما لمخاليق قاعي
روضٍ زهوره لاعبته النسانيس
ريح الخزامى من دماثيه فاعي
يزيل عنك امراض هاك الدواعيس
ومكيفات اللي هواها صناعي
والعلم جاك وخل عنك الهلاويس
ضعاف العقول اللي تلاها الضياعي
شعر: عبد العزيز بن صالح بن مقبل