في خدمة الاسلام
- الصفحة الرئيسية
- الاشعار
- الوطنيات
- في خدمة الاسلام
الجايزه به طول الايام تختال
في خدمة الاسلام قاد المسيره
خادم بيوت الله على راس ما طال
في كل دارٍ بالشـريعه وديره
على العدو المشتبه وسع البال
وطواه طوي اللي مصلٍ حصيره
الشـرع يجهر به على كل الأحوال
لو جاهده بالبيت الابيض خبيره
واللوبي اللي بين راحل ونزال
خلاه يشعب بالكساير بعيره
عبد الله اللي بالعزم ماله أمثال
عطاه رب البيت بصــر وبصيره
في خدمه الاسلام بالحال والمال
بالسلم والا بالسيوف الشطيره
ساق الركاب الموجفه وأقطع اللال
الله لا يبحث عليه السـريره
وجوّد عرى الاسلام حلٍ وترحال
ومن حج بيت الله يكحل نظيره
خلا المشاعر كلها فيّ وظلال
وبالتوسعة يلقى المبشـر بشيره
تطورٍ منه الحضارات تهتال
يستوعب جموع الحجيج الغفيره
يكيل من زرع العقيدة ويكتال
والحكم بالشـرع الحنيفي يديره
يطيب من طيب السـريره والاعمال
المستجير بظل راسه يجيره
بصيرة اقوالٍ تثبت بالافعال
انا اشهد انه للعروبه ذخيره