يا خاطري
- الصفحة الرئيسية
- الاشعار
- المساجلات والردود
- يا خاطري
رد على قصيدة "صوت الرعد" للشاعر مبارك بن سعد السبيعي
يا خاطري لا تضيق الله موسعها
أضرب فجوج الوسيعه والله الواقي
الكلمة اللي تبيها ما أنت سامعها
دفنتها يوم شان الوقت بعماقي
ابي الحسايف تقاطعني وأقاطعها
ما يلتفت للمحول واحدٍ راقي
الاوله من ثلاث اسنين بالعها
والثانيه خذت عنها كف حلاقي
عيني من الهم والغربال مشبعها
وقت مجاذيب جمه ما لها ساقي
احسب نجوم الليال ولا تطالعها
تفنى الخلايق جميعٍ والله الباقي
وأحرص على اسـرار قلبك لا تودعها
خبل يسولف بسدك كلما ضاقي
وعينٍ توريك غيضك طس دامعها
من قبل يا خاطري تختلط الأوراقي
نفسك على الله نهار الحشـر مرجعها
الطيب للي يطيب بطيب الأخلاقي