يا أهل البراقع

اعجبت بيت من الشعر للشاعر عبد العزيز بن صالح بن مقبل يقول فيه:

ياما تحت بعض البراقع من الشين لياك يا راشد تحكم عقدها

تغنيت به .. وقد ازعل بعض القوم هذا الشعر، علما أن الشاعر قال بعض، ومن أجل ان اعتذر على طريقه الشعراء قلت:

لا تلتفت لي وانت من حظ غيري

ابوك حاسب ما بقا بالوني حال

والله مالك صالحٍ بتعزيري

اودعت حالي كنها عود مخلال

انا كبير وانت توك صغيري

وتو الزمان امسانعٍ لك بالاقبال

تضحك بسنك لين تاخذ غزيري

ثمٍ تطوحي على هايف الجال

مثل ابن مقبل دون شارع عسيري

يوم العجايز هاشته وانثنى ذال

من جرحك اللي مبطيٍ بي خطيري

شهبتني بعيونك اللي لها ظلال

الله يساعدني بحظٍ كبيري

وتطولني حسناك يا طيب الفال

و يا اهل البراقع يوم قر القريري

في غيركم طرد الهوى ظلم وهبال

الا غزالٍ لبس ثوب الحريري

يتلني تل النضا بشهب اللال